SESORAH

 

SESORAH

Fakta

·         Teks Sesorah/Pidhato  .

Sesorah yaiku salah satunggaling kaprigelan micara ing sangarepe wong akeh kanggo ngandharake pemanggih utawi ide.

Konsep

Jinis-jinising sesorah :

1.      Sesorah miturut ancase (tujuan) :

a.       Menehi informasi / pemanggih.

b.      Menehi panglipur.

c.       Kanggo pangajak-ajak.

2.      Miturut kahanane sesorah :

a.       Sesorah resmi.

b.      Sesorah setengah resmi.

c.       Sesorah ora resmi.

Cengkorongan / kerangka sesorah / perangan sesorah :

1.      Salam pambuka

2.      Purwaka (pambuka)

a.       Atur pakurmatan (marang wong sing rawuh)

b.      Atur puji syukur

c.       Atur panuwun

3.      Isi (surasa)

4.      Dudutan / wigati / ringkesan

5.      Pengarep-arep

6.      Panutup (wusana)

7.      Salam panutup

Unsur-unsur Sesorah

 Unsur kang kudu ana ing sesorah/pidhato yaiku 5W+1H

Ancas Sesorah

a. Paring (nyaosi) andharan lan pangerten marang wong liya kang padha rawuh ngrungokake.

b. paring (nyaosi) andharan kang nyenengake kang padha midhangetake, jalaran basane ketok edi lan peni kanthi nggunakake unggah-ungguh basa Jawa.

c. Kanggo milut panemune wong liya sawise gelem midhangetake, lan sabanjure gelem manut lan percaya karo wose andharan kang kababar utawa katurake.

d. Paring (nyaosi) andharan utawa pangerten marang wong kanthi lelewaning basa kang becik, nyenengake, lan kepenak dirungokake, lan kepengin milut panemune wong liya kang padha midhangetake. (Sutardjo, 2013: 108-112)

Metode-metode sesorah :

1.      Metode maca sawutuhe

Yaiku sesorah kang ditindakake kanthi maca teks.

2.      Metode hafalan

Yaiku sesorah sing ditindakake kanthi apalan saka teks sing wis digawe sadurunge.

3.      Metode pandom lajer

Yaiku sesorah sing ditindakake kanthi nggawa cathetan cilik (lajering sesorah).

4.      Metode impromptu (dadakan)

Yaiku sesorah sing ditindakake kanthi dadakan utawi ora ana persiapan sadurunge.

Prinsip

Bab-bab kang digatekake nalika sesorah :

1.      Nyiapake underan / tema sesorah.

2.      Nyiutake tema dadi irah-irahan (judul).

3.      Naliti kahanan pamiarsa.

4.      Ndamel cengkorongan / kerangka sesorah.

5.      Nemtokake ancase / tujuane sesorah.

6.      Ngempalake bahan sesorah.

7.      Ngembangake / ngrembaakake cengkorongan.

8.      Gladhen sesorah.

 

Prosedur

PAMBUKA

Assalammu’alaikum Wr. Wb. 

Para bapak, para ibu guru ingkang dahat kinurmatan lan kanca-kanca ingkang kawula tresnani. Langkung rumiyin sumangga sesarengan ngujukaken puji syukur wonten ngarsanipun gusti ingkang murbeng dumadi, ingkang sampun paring rahmat lan hidayah, saengga kita saged makempal ing mriki. Ing dinten punika kawula badhe ngaturaken sesorah babagan “Njagi Lingkungan Sekolah”.

ISI

Rencang-rencang, mengertoso yen lingkungan punika papan gesang kagem sedaya titah gesang. Mila saking punika, kita kedhah njagi lestari lingkungan kita supados kita saged gesang kanthi tentrem. Salah satunggalipun cara njagi lestari lingkungan inggih punika karesikan, njagi karesikan lingkungan saged diwiwiti saking perkawis-perkawis ingkang alit. Ananging katinggal awrat sanget dipun lampahi. Umpaminipun mbucal runtah ing panggenanipun. Sak punika kesadaran kagem njagi karesikan ing lingkungan kita minangka murid taksih kirang sanget. 

Dipun tingali saking lingkungan sekolah kita ingkang taksih wonten runtah-runtah ingkang sumebar, duka punika runtah plastik daharan lan plastik unjukan utawi kertas. Kamangka panggenan runtah ingkang dipun cawisaken sekolah sampun nyekapi. Ing saben-saben pojok sekolah wonten panggenan runtah. Nanging mboten wonten panggenanipun saking kita kangge mbucal runtah wonten panggenanipun minagka wujud njagi karesikan lingkungan sekolah kita. 

PANUTUP

Kejawi mbucal runtah ing panggenanipun, kita ugi saged nglampahi piket kelas minangka lelaku njagi kareksikan. Mekaten sesorah ingkang saged kawula haturaken. Nyuwun pangapunten menawi wonten klenta-klentu nipun atur kawula. Saking kawigatosanipun kawula ngaturaken matur sembah nuwun. 

Wassalammu’alaikum Wr. Wb.